కేంద్ర మంత్రిమండలి ఇటీవల తీసుకున్న మన రాష్ట్ర విభజన నిర్ణయ నేపధ్యంలో విశాలాంధ్ర మహాసభ రెండు రోజుల పాటు సుదీర్ఘ కార్యవర్గ సమావేశం నిర్వహించింది. ఆ సమావేశ తీర్మానాలు కింద పొందు పరుస్తున్నాము.

• విశాలాంధ్ర మహాసభ భారత దేశ కేంద్ర కాబినెట్ నిర్ణయాన్ని తిరస్కరిస్తోంది.
• పది కోట్ల తెలుగు ప్రజలకు భారత ప్రభుత్వం ద్రోహం చేసింది.
• తెలుగు ప్రజలు అన్ని జాతీయ పార్టీలను, వాటితో పొత్తు పెట్టుకున్న పార్టీలన్నిటినీ బహిష్కరించాలని విశాలాంధ్ర మహాసభ పిలుపునిస్తోంది.
• నిన్నటి కుట్రపూరిత కేంద్ర ప్రభుత్వ నిర్ణయం భారత దేశానికి తెలుగు ప్రజల అవసరం లేదు అనే విధంగా ఉంది.
• ఇప్పుడున్న రాజకీయ పార్టీలన్నీ తమ శక్తి మేర తెలుగు ప్రజలకు ద్రోహం చేసినవే అని విశాలాంధ్ర మహాసభ భావిస్తోంది.
• ఈ రోజు తెలుగు ప్రజల భవిష్యత్తు విషయంలో కేంద్ర, రాష్ట్ర మంత్రులు, ఎం. పీ. ల, ఎం. ఎల్. ఏ. ల పాత్ర నిరర్ధకం, శూన్యం అయిపొయింది. వారందరినీ సాంఘికంగా బహిష్కరించి వారి ఉనికిని గుర్తించటానికి నిరాకరించాలి.
• తమ పార్టీలను వ్యతిరేకించి నాయకులు బయటకు రావడాన్ని విశాలాంధ్ర మహాసభ స్వాగతిస్తోంది. వారిని విశాలాంధ్ర మహాసభతో కలిసి పనిచేయాల్సిందిగా ఆహ్వానిస్తోంది.
• ఢిల్లీతో మంతనాలు, బేరసారాలు, చర్చలు, వేడుకోళ్ళు తక్షణం నిలిపివేయాలి.
• జాతీయవాద సంస్థలని చెప్పుకొనే ఆర్. ఎస్. ఎస్., బి. జే. పీ. ల విశ్వసనీయతను ప్రశ్నిస్తున్నాం.
• తెలుగు ప్రజలు మాత్రమే చెప్పినట్లు వినే స్థానిక పార్టీలనే ఆదరించాలని కోరుతున్నాము.
• నిన్నటి కాబినెట్ నిర్ణయం తరువాత కేంద్ర ప్రభుత్వం, జాతీయ పార్టీలు మన రాష్ట్ర వ్యవహారాల్లో కలగచేసుకునే హక్కును కోల్పోయ్యాయి.
• కేంద్ర ప్రభుత్వం, జాతీయ పార్టీలు చేస్తున్న ఇలాంటి స్వప్రయోజన చర్యల వల్ల అన్ని భాషా సమూహాలకు ముప్పు పొంచివున్నదన్న వాస్తవాన్ని అందరూ గ్రహించాలి.
• తెలుగు ప్రజలు సహాయ నిరాకరణ ఉద్యమం చెయ్యాలి. అందులో భాగంగా కేంద్ర ప్రభుత్వానికి పన్నులు చెల్లించటం తక్షణం నిలిపెవేయాలి.
• జాతీయ పార్టీల ఆలోచనలు దేశంలో సమాఖ్య స్పూర్తిని పూర్తిగా తుంగలో తొక్కుతున్నాయని, దీని వల్ల దేశ సమగ్రతకు కలిగే విఘాతానికి వారే బాధ్యత వహించాలని విశాలాంధ్ర మహాసభ స్పష్టం చేస్తోంది.
• ఉద్యమకారులందరికీ అవసరం, అవకాశం మేరకు విశాలాంధ్ర మహాసభ నైతిక మద్దతు న్యాయ సహాయం ఎల్లప్పుడూ అందిస్తుంది.
• ప్రజలందరూ ఆందోళనలు నిరసన కార్యక్రమాలను శాంతియుతంగా దృఢ చిత్తంతో కొనసాగించాలి.

This entry was posted on Monday, October 7th, 2013 at 9:52 am and is filed under Uncategorized. You can follow any responses to this entry through the RSS 2.0 feed. You can leave a response, or trackback from your own site.